خطوة التحضيرية
تجربة رهف الغنيمي :
السلام عليكم
ورحمه الله وبركاته
اول شي اعرفكم
بنفسي .. اسمي رهف انتهيت من السنة التحضيرية دفعة 36 مسار إنساني في جامعة الملك
سعود (عليشه)
راح أحكي لكم
ان شاء الله تجربتي بشكل عام مع السنة التحضيرية بالتفصيل تقريبا , وبركز على
الاشياء اللي كنت حريصة اني أعرفها قبل ماادخل التحضيري أو ماعرفتها الا اول
مادخلت .
( ان أصبت فمن
الله وان أخطأت فمن نفسي والشيطان )
المواد ومتطلباتها بتكلم عنهم بشكل بسيط
لانكم لما تداومون وتدرسونه راح تستوعبونه أكثر من لما اتكلم عنهم .
أول شي فيه ترم راح تدرسين 4 مواد ( انقلش – حاسب – رياضات – مهارات اتصال )
الانقلش: فيه 3 مستويات وبتعرفين مستواك لما تشوفين
الجدول اللي نازل لك .
Eng 135 هذا لفل A ويدرسون 20 ساعة بالاسبوع
بمعدل 4 ساعات يوميا
Eng 136 هذا لفل B ويدرسون 15 ساعة بالاسبوع بمعدل 3 ساعات يوميا
Eng 137 هذا
لفل C ويدرسون 8 ساعات بالاسبوع بمعدل ساعتين لمدة
اربع ايام بالاسبوع .
التيتشرز أجنبيات و أغلبهم لطيفات بيساعدونكم
كثييير ان شاء الله لاتيشلون هم ان شاء الله .
توزيع الدرجات 30 ميد تيرم و 30 فاينل و 20
مشروعين و 10 اختبار رايتنق و 10 اختبار سبيكنق
10درجات مشروع مستمر خمس اسابيع تكتبون عن موضوع
معين يعطونكم اياه والاسبوع الاخير تسوون برزنتيشن وتعرضونه قدام بنات كلااسكم ,
الموضوع سهل والجميع اخذ درجات كاملة الحمدلله
المشروع الثاني 10 درجات كتابه تكتبين عن
موضوع معين يعطونكم اياه لمدة أربع اسابيع كل اسبوع تصحح لك الاخطاء وخلاص اخر
اسبوع تسلمينه جاهز ودرجات كاملة ان شاء الله .
الميد والفاينل راح يعلمونكم وش المطلوب .
واختبار الرايتنق والسبيكنق راح يدربونكم
عليه وراح يكون وقته اخر الترم مع الفاينلز .
تكلمت عن الانقلش بالتفصيل تقريبا لانه يوميا
راح تدروسنه كل الترمين وهو الأهم بالمعدل .
الرياضيات: خفيف ان شاء الله جايبين أسهل دروس الثانوي
وحاطينهم مصفوفات واستخراج قيم وقوانين سهله ان شاء الله .
الكتاب كبير لكن ماتاخذون كل شي فيه , فيه خطة
موحدة للأشياء المطلوبة.
الحاسب:
سهل جدا لكنه
دسسم كتابين فيهم 3 وحدات ( وورد , اكسل , بوربوينت , انترنت ..) سهلات مررره !
لكن يبيله تركيز وحفظ وفهم .
مهارة اتصال: مادة مره سهله تعتمد على الحفظ , الدروس تتكلم عن حياتنا
اليوميه وتعلمنا طرق افضل للتواصل مع الاخرين , الكلاس يروح سوالف ومناقشات جدا
ممتع وثري بالمعلومات .
هذي مواد ترم الاول.. نجي للترم الثاني
الترم هذا عبارة عن
5 مواد ( انقلش – احصاء – مهارات لغوية – مهارة تفكير وبحث وتعلم – الصحة واللياقة )
الانقلش:حكيت عنه قبل .
الاحصاء:دخل من دروس الثانوي كثير لكن يفصله أكثر فيه الاحتمالات
ونسيت بعد , المادة مو صعبة بنفس الوقت مو سهله
, تحتاج مذاكرة وتركيز مع الشرح , وكثير جابو فيها ِA+ وA يعني
بتقدرون عليه ان شاء الله .
مادة مهارات لغوية (عرب): زي النحو والدروس مره سهله الهمزة و التاء
المربوطة وفيه دروس متوسطه الصعوبة بس راح تسلكون بإذن الله , وفيها متطلبات مثل
المقال والرساله بسيطات وماتاخذ وقت .
مادة مهارة البحث والتعلم والتفكير (نهج ): هالمادة مطلوب تسوون فيها بحث معين كل
استاذة ولها طريقتها بالتقسيم والطريقة بعضهم البحث يسوونه بشكل جماعي وبعضهم فردي
وبعضهم يخيرونكم . والوحدتين الباقيه وحده تحكي عن طرق التعلم والإستذكار
والثانية عن مهارات التفكير وانواعه وغيره
.
مادة الصحة واللياقة: هالمادة مره سهله وتأثيرها بالمعدل جدا قليل .. اخذنا ماده مشابهه لها
بالثانوي عجزت اتذكر اسمها , تحكي بشكل عام عن التغذية السليمة والرياضة ومطلوب
منكم مشروعين مشروع اجباري تسوين وصفه تمارين ومشروع يخرونك بين ثلاثه منها تحضرين
دورة اسعافات اولية وتاخذين 10 درجات كذا جاهزة .
خلصت من المواد الحين راح اعطيكم
روابط المواقع المهمة اللي بتحتاجونها ان شاء الله .
1-
اول شي موقع
تحضيريتي . (https://mypy.ksu.edu.sa/mypy/m/)
تقدرين تعرفين منه ساعات غيابك
ودرجات الميد وجدول الاختبارات للميد والفاينل
2-
موقع السنة
التحضيرية (http://py.ksu.edu.sa/)
هالموقع غالبا راح ينزلون فيه
الاعلانات وتدخلون منه وتختارون اقسام المواد وراح تلقون فيه شروحات مره كويسه
للاحصاء والرياضيات .
3-
البوابة الإلكترونية
(https://edugate.ksu.edu.sa/ksu/init)
هالموقع ماستخدمناه كثير , لكن
هالموقع راح يضل معاك طول سنوات الجامعة بعكس الموقعين اللي فوق للتحضيري فقط ,
بحيث راح تطلعين منه على نتائج درجات الفاينل وتقدمين على التخصصات منه وبرضوا
نتائج التخصصات منه الله يرزق الجميع رغباتهم , واشياء ثانيه لسى ماجربتها زي
الحذف والاضافة وغيره .
***
بكذا
اكون خلصت كلامي ان اصبت ف من الله وان أخطأت فمن نفسي
والشيطان .
♥
وأي
سؤال انا حاضرة .. راح أكتب لكم الاسك أي سؤال تفضلي وبكون سعيدة
لمساعدتكم .
Ask
:r_a_a_haf ( https://t.co/h7WWsNFlGs)
ليست هناك تعليقات:
إرسال تعليق