خطوة التحضيرية
المسار العلمي| جامعة الملك سعود : أميرة العنزي وريما الحسن :
تجربة ريما الحسن :
بالنسبة
لي هذي اسهل سنة دراسية مرت علي حلوة وخفيفة لا تشيلون همها ابد والله فرق عن
الثانوي , والمواد بشكل عام سهلة الى متوسطة الحمدلله يعني بإمكانكم تجيبون
معدل كامل بالراحة ان شاء الله اذا اجتهدتوا واحرصوا انكم ماتنقصون كثير لأن
المعدل يمشي معاكم اذا بنيتوه صح بالتحضيري يصير بعدين ماينزل كثير وخصوصاً انها
سهلة فاستغلوها🏻
بعد اختبار تحديد مستوى الانجليزي
وحضور اللقاء التعريفي بتنزل الجداول قبل بيوم تقريباً وهي بتكون يا مسائي يا
صباحي وهي ٨ مواد مجموعها
الكامل يعني ٤ مواد لكل ترم
الترم الأول (انجليزي - ريض ١٤٠ - نهج - صحة)
والترم الثاني ( انجليزي - ريض ١٥٠ - علم - حاسب ) طبعاً الترتيب يختلف يعني ريض
١٤٠ مثبت الترم الاول وريض ١٥٠ الترم الثاني والباقي يختلف ترتيبهم حسب مايعطونكم
الجامعة .
الانقلش: سهل جداً انا كنت مستوى B
فكان عندي ٣ ساعات بكل الترمين ساعة ونص بعدين بريك ٤٠ دقيقة بعدين ساعة ونص
يومياً وفيه بيجيكم برنامج CA (continuous
assignment) هو
واجب مستمر كل يوم الاثنين تجيبون البوكلت حقتكم وبيقولون لكم وش تسوون واخر فقرة
تسون برزنتيشن للكلاس وكانت المواضيع جداً سهلة والاستاذات يساعدون .
وبالنسبة للميدتيرم
التيتشر ترسلكم ملف تذاكرون منه الڤوكاب والقرامرز اما الريدينق والليسننق
مافيه شيء
تذاكرون منه له بس غالباً يجي
سهل واحياناً يصعبونها شوي.
الفاينل
ينقسم ٣ اقسام (محوسب- سبكينق- رايتنق)
المحوسب نفس طريقة الميدتيرم .
والسبكينق مدته ربع ساعة تسألكم فيه
التيتشر اشياء سهلة مثلا تكلمي عن غرفتك ولا وش تبين تصيرين يعني أشياء سهلة
وتختلف من سنة لسنة لكن المتفق انها سهلات فلاتخافون .
الرايتنق مدته ساعة ويجيبون لكم موضوع
وتكتبون عنه ويحددون لكم عدد الكلمات.
بس ركزوا اكثر شيء على
الانقلش من بين كل المواد لأنه سهل وهو اكثر تأثير بالمعدل لأن ساعاته كثيرة.
الريض140:تقريباً يشبه رياضيات المتوسط
ماينشال همه ابد !وهو عبارة عن ٤ فصول وفيه كويزات وهوموركس اسبوع كويز (درسين)
واسبوع هومورك تحلونه بالموقع واختبار الميد تيرم تختبرون بفصلين وركزوا على
كل شيء وبالذات الاكسرسايزز لا تسحبون عليها لأنها فيها افكار جديدة غير عن الدروس
ويجيبون منها كثير بالكويز وبالاختبارات الثانية
مهارات التفكير و
التعلم والبحث:
مادة حلوة خفيفة حفظ وفهم وكلها اشياء منطقية
مافيها صعوبة ابد الحمدلله تحتوي على
ثلاثة فصول :
1- فصل
عن مهارة البحث
2- فصل
عن مهارة التعلم
3- فصل
عن مهارة التفكير
أيضا في بحث تشتركين فيه انتي وزميلتك
بالصف واحيانا عادي ينفع لحالك والاستاذة
تقولكم ايش تسوون بكل كلاس وتتابع معكم وتقولكم اخطائكم يعني خطوة بخطوة بتمشون مع
معلمتكم.
واختبار الميدتيرم عليه ٢٠ درجة تختبرون بفصل واحد بس , يصير يبقى فصلين
للنهائي.
مادة الصحة: هذي مادة كلاس واحد بالاسبوع,
تتكلم عن الصحة بشكل عام , والغذاء , الاسعافات الأولية ..
وفيها لازم تسوين بحث او برنامج
الخطوات او تاخذين دورة اسعافات من الجامعة وكلها اشياء سهلة تشرحها لكم الاستاذة
خطوة بخطوة وعشانها كلاس واحد ماتأثر بالمعدل كثير .
مادة مهارات الاتصال: كله حفظ
بديهي الحمدلله تتكلم عن انماط السخصية والحياة العامة والمهارات وفيها تفاصل ماذكرها بالضبط بس كلها سهلة مافيه
شيء صعب اتطرق له.
مادةريض١٥٠: نفس تقسيم ريض ١٤٠ بكل شيء وهو
٣ فصول بس هو اصعب من ١٤٠ شوي يعني يبيله تركيز ومذاكرة اول بأول لأنه دقيق و كثير
بنات نقصوا فيه بس الي تذاكره زين بتجيب A+
بسهولة ان شاء الله
نجي اخر شيء للحاسب هو
عبارة عن (كتابين باللغة لأنقليزية تأخذينهم كلهم بترم واحد )
فيه واجبات بالموقع وفيه تختارون شيء
تسوونه يا تصميم موقع او اشياء ثانية بس اسهل شيء تصميم موقع وخطواته ودرجاته تشرح
لكم تفاصيلها الاستاذة .
اختبار الميد تيرم تختبرون نظري وعملي
وهو فصلين والجزئية الي اختبرتوها تنحذف من الفاينل
الميد شوي جزئيته كلها حفظ فشوي اصعب
من الفاينل .
الفاينل طويل بس اغلبه تطبيق اكثر من
الحفظ فالحمدلله ماكان صعب يعني بوربوينت وورد واكسل كلها اشياء اغلبها نعرفها قبل.
وبالنسبة لساعات الغياب: اسألوا عن ساعات غياب كل مادة ونقصوا
منها حقت اخر اسبوع الي بتغيبونه عشان تذاكرون وخلاص يبقى لكم الساعات الي يمديكم
تغيبونها خلال الترم
طبعاً اكثر ساعات هي الأنقلش لأنها كل
يوم وهي اكثر مادة يمديكم تغيبون فيها
واخيراً بالتوفيق للجميع والله يسهل
عليكم مشواركم وبدايتكم .
ليست هناك تعليقات:
إرسال تعليق